21, ოქტომბერი 2019 17:20:00
„საქართველოს და კერძოდ, აჭარის რეგიონის სირცხვილს, ვარშავაში გამართულ უსინათლოთა კონფერენციაზე, ჩემთვის გამოყოფილი ცარიელი ადგილი იტყვის“ - ეს განცხადება, არასამთავრობო ორგანიზაცია „უსინათლოთა ხმის“ ხელმძღვანელმა გააკეთა. ალექსი წეველიძის თქმით, რეგიონის მთავრობა შშმ პირებს მხარს არ უჭერს. წეველიძე დასავლეთ და აღმოსავლეთ ევროპის ქვეყნების უსინათლოთა შეხვედრაზე იყო მიწვეული. როგორც თავად აცხადებს, ხუთი დღით პოლონეთში ვიზიტს შეხვედრის ორგანიზატორები აფინანსებდნენ. შშმ პირი მთავრობისგან ბილეთის საფასურის დაფინანსებას ითხოვდა, რომელიც, მისი თქმით, ათას ლარს შეადგენდა.