აგოთაში მოსახლეობა გზის შეკეთებას ითხოვს. ქედაში მცხოვრებლები სახლში ტრანსპორტით მისვლას ვერ ახერხებენ. მოუწესრიგებელი ინფრასტრუქტურის გამო, ადგილობრივები გარესამყაროს არიან მოწყვეტილები. რას ამბობენ ადგილობრივ თვითმმართველობაში? ეკატერინე ბარამიძის სიუჟეტიდან გაიგებთ
სოფელ აგოთაში მცხოვრები მოსახლეობა ხელისუფლებისგან დახმარებას ითხოვს. შიდა სასოფლო გზის რამდენიმე მეტრიანი მონაკვეთი, რომლითაც გარე სამყაროს ოთხი ოჯახი უკავშირდება იმდენად დაზიანებულია, რომ მსუბუქი ავტომობილი ვერ გადაადგილდება, უფრო მეტიც, საცხოვრებელი სახლიდან რამდენიმე მეტრში ჩერდება და საყოფაცხოვრებო ნივთებსა თუ საკვებ პროდუქტებს მოსახლეობა ხელით ეზიდება.
გზის ამ მონაკვეთით იმ მთასაც უკავშირდებიან, სადაც ტყე-კაფია გამოყოფილი და ზამთრისთვის სათბობი შეშა მზადდება. ამავდროულად სოფლის მოსახლეობის დიდი ნაწილი აქ მიწის ნაკვეთებს ამუშავებს და ბაღჩეული მოჰყავს. ამბობენ, რომ ეს გზა მათთვის სასიცოცხლოდ მნიშვნელოვანია.
გენად დუმბაძე გვიყვება, რომ საცხოვრებელი სახლის მიმდებარედ ბუნებრივ არხს ყოველდღურად წმენდს, მაგრამ მთიდან ჩამონადენ წყლებს დამოუკიდებლად ვერ უმკლავდება.
ქედის თვითმართველობაში განმარტავენ, რომ გზის ეს მონაკვეთი საგზაო დეპარტამენტის დაქვემდებარებაშია, შესაბამისად მის შეკეთებაზე პასუხისმგებელი ეს ორგანიზაციაა. საავტომობილო გზების დეპარტამენტში გვარწმუნებენ, რომ გზას გრუნტით რამდენიმე დღეში მოაპირკეთებენ, სამომავლოდ კი, დაახლოებით 80 მეტრ მონაკვეთზე ბეტონის საფარი მოეწყობა.
საავტომობილო გზების აჭარის საგზაო დეპარტამენტის დაქვემდებარებაში შიდა სასოფლო გზებია, ქედის მუნიციპალიტეტში კი 730 -მდე კილომეტრამდე გზა ირიცხება.
4
s
s
s