გიორგი მამალაძის ოჯახის წევრები ქვეყნის საკანონმდებლო ორგანოსთან აქციებს კვლავ განაგრძობენ. ამჯერად სასულიერო პირის ახლობლები სასამართლო-ფსიქიატრიული ექსპერტიზის შედეგებს აპროტესტებენ. დეტალებით ახლა პირდაპირ ეთერში სულხან მესხიძე შემოგვიერდთდება.
ემუქრება თუ არა ე.წ. ციანიდის საქმეში ბრალდებული გიორგი მამალაძის სიცოცხლეს საფრთხე და რატომ იხდის სასულიერო პირი სასჯელს სამედიცინო დაწესებულებაში - ჯგუფი ემპათია პატიმრის ჯანრთელობის მდგომარეობის გასარკვევად ექსპერტიზას ატარებს.
დამატებითი ექსპერტიზის ჩატარება დეკანოზის ოჯახმა მას შემდეგ გადაწყვიტა, რაც სასამართლო-ფსიქიატრიული ექსპერტიზის დასკვნა გასაჯაროვდა, რომელშიც ნათქვამია, რომ გამოსაკვლევი პირის ამჟამინდელი ქცევა სიმულაციურ ხასიათს ატარებს. პატიმრის ძმა ამ დასკვნას უნდობლობას უცხადებს და ფიქრობს, რომ ექიმს, რომელმაც ეს დასკვნა გასცა, პროკურატურა და საპატრიარქო აშანტაჟებს.
გიორგი მამალაძის ავადმყოფობა სასულიერო პირების უმრავლეოსობას ეჭვქვეშ არაერთხელ დაუყენებიათ. ერთ-ერთი მათგანია მიტროპოლიტი იოანე გამრეკელი, რომლის თქმითაც სინოდი დეკანოზის საკითხის განხილვას აღარ აპირებს, რადგან სისხლის სამართლის საქმეზე კითხვებს პასუხი გამოძიებამ, ხოლო ჯანმრთელობის მდგომარეობაზე - ექსპერტიზამ უკვე გასცა.
როდის შეიკრიბებიან სასულიერო პირები სინოდის სხდომის ჩასატარებლად პასუხი ამ დრომდე არ არსებობს. შესაბამისად უცნობია ისიც, განიხილავენ თუ არა გიორგი მამალაძის შეწყალების საკითხს.
შეგახსენებთ, პატრიარქის მდივარ რეფერენტის შორენა თეთრუაშვილის განზრახ მკვლელობის მომზადებისთვის დაკავებული გიორგი მამალაძე უკვე 8 თვეა გლდანის ციხის სამკურნალო დაწესებულებაში წევს. რამდენიმე თვიანი დუმილის შემდეგ, საპატრიარქომ განცხადება გუშინ გაავრცელა. მიუხედავად იმისა, რომ გიორგი მამალაძისგან ასევე, მისი მხარდამჭერებისგან შანტაჟი და ცილისმწამებლური კამპანია ორ წელზე მეტია მიმდინარეობს, პატიმრის მიმართ ეკლესია მაინც ვერ დარჩებოდა ზედაპირული დამოკიდებულებით და შესაბამის ვერ გადადგამდა ნაბიჯს, თუ, რა თქმა უნდა, სათანადო საფუძველი იქნებოდა.
11
s
s
s