სოფელ ყინჩაურის მოსახლეობა საკუთარი უფლებების დასაცვას კვლავ აქციებით ცდილობს. ადგილობრივები მესამე დღეა ღამეს ღია ცის ქვეშ ათენებენ და კომპანია ,,აჭარისწყალი ჯორჯიას" ტექნიკას გადაადგილების საშუალებას არ აძლევენ. მათი მტკიცებით, გვირაბის მშენებლობამ საფრთხე შეუქმნა მათ საცხოვრებელ სახლებს.
აქციის მონაწილეების მტკიცებით, მას შემდეგ რაც ,,აჭარისწყალი ჯორჯიამ" სამუშაოები დაიწყო, სოფელი ეკოლოგიური საფრთხის წინაშე აღმოჩნდა: დაშრა წყაროები, განადგურდა სოფლის მეურნეობის კულტურები, ხელისუფლება კი მხოლოდ ფერდსამაგრი სამუშაოების შესრულება დაჰპირდა. ყინჩაურის მცხოვრებლები კონპენსაციას ან განსახლებას მოითხოვენ.
მოქალაქეები ადგილობრივ ხელისუფლებას უყურადღებობაში ადანაშაულებენ და აცხადებენ, რომ იმ შემთხვევაში თუ მათი მოთხოვნები არ შესრულდება წლის ყველაზე გრანდიოზულ დღესასწაულს გარეთ შეხვდებიან, ოღონდ აქციის რეჟიმში.
ყინჩაურის მოსახლეობას მუნიციპალიტეტის გამგებელი შეხვდა. ბესიკ ბაუჩაძის ინფორმაციით, პრობლემის გადაწყვეტა მისი კომპეტენციის ფარგლებს სცილდება, თუმცა აქციის მონაწილეებს დაპირდა, რომ კომპანიასთან შუამდგომლობას კიდევ ერთხელ შეეცდება.
კომპანია ,,აჭარისწყალი ჯორჯიაში" საკითხთან დაკავშირებით კომენტარი არ გაკეთებულა.
1
s
s
s