17, იანვარი 2017 08:35:00
დღეს პირველად, ახალ რანგში, ბიუროს სხდომას ავთანდილ ბერიძე დაესწრო . აჭარის მთავრობის აპარატის უმაღლეს საბჭოსთან ურთიერთობის დეპარტამენტის უფროსის განმარტებით, იგი სამომავლოდ, როგორც პლენარულ ასევე ბიუროს სხდომებსაც აქტიურად დაესწრება. უმაღლესი საბჭოს ყოფილი თავმჯდომარე თვლის, რომ ამგვარად იმ საკითხებზე პოზიციების შეჯერება და გადაწყვეტილების მიღება, რომლებზეც საკანონმდებლო ორგანო მუშაობს, უფრო მეტად გამარტივდება და შედეგზე ორიენტირებული გახდება. აღნიშნულის საჭიროებას ვერ ხედავენ ოპოზიციის წარმომადგენლები, მმართველ გუნდში კი საპირისპიროს ამტკიცებენ.