მეუფე იაკობი, რომელმაც თქვა, რომ ციანიდის საქმე ჩარევით დაიგეგმა, პატრიარქის ქორეპისკოპოსობიდან გადადგა. სასულიერო პირმა დატოვა საფინანსო ეკონომიური საბჭოს თავმჯდომარის თანამდებობაც. გადააყენეს თუ გადადგა? სულხან მესხიძე შემოგვიერთდება ახლა დეტალებით, რომელიც ასევე გაეცნო იმ წერილს, რომელიც ამავე საქმეზე გიორგი მამალაძემ საპატიმროდან გამოგზავნა. სულხან მოგესალმები და გისმენთ
გადადგომის შესახებ განცხადება ბოდბელმა ეპისკოპოსმა პატრიარქთან შეხვედრის შემდეგ გააკეთა. რაზე ესაუბრა მეუფე იაკობმა ილია მეორეს, უცნობია. საპატრიარქოდან გამოსული, ჟურნალისტებთან მხოლოდ მოკლე კომენტარით შემოიფარგლა.
მეუფე იაკობის თანამდებობიდან გათავისუფლების შესახებ პატრიარქის ბრძანება მალევე გავრცელდა. განცხადებაში ნათქვამია, რომ ბოდბელმა ეპისკოპოსმა პოზიცია პირადი თხოვნის საფუძველზე დატოვა. ბოდბელი ეპისკოპოსი საზოგადოებას თავისი თამამი განცხადებებით ახსოვს. დღეს განმარტა, რომ ამის უფლება ჰქონდა, რადგან თავისუფალი ადამიანია. თუმცა შეურაცმყოფელი ლექსიკონის გამო საზოგადობას ბოდიში მოუხადა.
მეუფე იაკობმა დღეს კიდევ ერთხელ დაადასტურა, რომ გიორგი კვირიკაშვილთან, გიორგი გახარიასთან და ვახტანგ გომელაურთან შეხვედრაზე მას პატრიარქის გადაყენებაში მხარდაჭრას სთხოვდნენ. სკანდალური განცხადებები, ტვ პირველის ეთერში 2 დღის წინ გააკეთა. თქვა, რომ ციანიდის საქმე სახელმწიფოს ჩარევით დაიგეგმა.
მეუფე იაკობის სკანდალური განცხადებების პარალელურად ასევე სკანდალურ წერილს გზავნის საპატიმროდან ციანიდის ასქმეზე დაკავებული დეკანოზი. წერილში გიორგი მამალაძე გენერალური პროკურორის მოადგილეს ახსენებს და წერს, რომ ვასაძე მას, ე.წ ციანიდის საქმეში მეუფე დიმიტრის და სოსო ოხანაშვილის მონაწილეობის აღიარებას თხოვდა. დეკანოზი ასევე, ამბობს, რომ 2 წელი და 8 თვეა პროკურატურა მას ლიკვიდაციის შიშში ამყოფებს.
შეგახსენებთ, დეკანოზი გიორგი მამალაძე სასამართლომ პატრიარქის ილია მეორის მდივან–რეფერენტის შორენა თეთრუაშვილის მკვლელობის მომზადებაში ცნო დამნაშავედ და 9-წლიანი პატიმრობა მიუსაჯა. დეკანოზი ბრალს არ აღიარებს.
1
s
s
s