28, ოქტომბერი 2019 20:45:00
მესაქონლეობის ექსპო საქართველოში და 50-მდე რქოსანი პირუტყვი საგამოფენო სივრცეში. ჩემპიონები და ვიცე ჩემპიონები, შეჯიბრებები და დარგის თანამედროვე ტექნოლოგიები. როგორ ჩაიარა ღონისძიებამ და რისი საშუალება მიეცა ლისის ტბის მიმდებარე ტეროტორიაზე მისულ დამთვალიერებელს?ჩვენი რტეპორტაჟიდან გაიგებთ
საუკეთესო ადგილობრივი ჯიშის კატეგორიაში გამარჯვებულად კასანდრა კვარაცხელია დასახელდა. მსხვილფეხა რქოსანი მეპატრონემ გამოფენისთვის ჩხოროწყუდან დედაქალაქში სპეციალურად ამ დღისთვის ჩაიყვანა. მეგრული ჯიშის საქონელი, რომელიც კვარაცხელიას სახელითაა ცნობილი, თაობიდან თაობას გადაეცემა. მართალია მისი მოვლა დიდ ხარჯებს უკავშირდება, თუმცა ფერმერისთვის მნიშვნელოვანი ტრადიციების შენარჩუნებაა.
კასანდრასთან ერთად, ამ საგამოფენო სივრცეში გამარჯვებისთვის 19 ფერმის ორმოცდაათამდე მეწველი ფური, დეკეული და ხბო იბრძვოდა. მათ შორის იყო ვიცე-ჩემპიონი ჰოლშტეინის ჯიშის პირუტყვიც. მსოფლიოში ცნობილი სარძეო ჯიშის ძროხა დღეში 60 ლიტრ რძეს იწველის. მიუხედავად იმისა, რომ საქონლის ამ ჯიშს საქართველოში ადაპტაცია უჭირს, მეპატრონის მიერ კარგად შექმინილი გარემო პირებების შედეგად, მას მაღალპროდუქტიულობა არ დაუკარგავს.
მსხვილფეხა საქონლის გამოფენა-შეჯიბრის პარალელურად, დამთვალიერებლებს შესაძლებლობა ჰქონდათ გაცნობოდნენ დარგის თანამედროვე ტექნოლოგიებს და ძირითადი საშუალებების მიმწოდებლებს, მათ შორის, მესაქონლეობისათვის საჭირო ტექნიკას. განსაკუთრებული ხალხმრავლობა იყო მამუკა ნასიძის დახლთან. ფერმერმა ღონისძიებაზე კამეჩის რძე, ყველი, კარაქი და ნადუღი წარმოადგინა, რომელიც საქართველოს ბაზარზე დეფიციტურია.
„მესაქონლეობის ექსპოს“ მიზანი საქართველოში რძისა და ხორცის სექტორებში კონკურენტუნარიანობის განვითარების ხელშეწყობაა. კერძოდ, მაღალპროდუქტიული გენეტიკის მქონე მსხვილფეხა საქონლის და ადგილობრივი სელექციური ჯიშების პოპულარიზაცია და მათი მოშენებისთვის ინვესტიციების წახალისება.
ღონისძიება წელს პირველად, საქართველოს მეცხოველეობის სანაშენე საქმის ასოციაციის და საქართველოს მერძევეთა ასოციაციის ორგანიზაებით გაიმართა.