29, ოქტომბერი 2019 13:53:00
ზუგდიდში გარდაცვლილი პაციენტის არასრულწლოვანმა შვილმა რეფერალური საავადმყოფოს ექიმ გიორგი გერლიანს სცემა. ფიზიკური ანგარიშსწორება ერთ-ერთ სუპერმარკეტთან მოხდა. ნაცემი ექიმი ზუგდიდის რეფერალურ საავადმყოფოშია მოთავსებული, თუმცა საავადმყოფოში კომენტარს არ აკეთებენ და არც პაციენტის ჯანმრთელობის მდგომარეობაზე საუბრობენ.
როგორც ირკვევა, ქირურგმა დავით გერლიანმა ადგილობრივ ვ.ზ-ს ბარიატრიული ოპერაცია ჩაუტარა, რასაც გართულება გამოიწვია. ავადმყოფი მკურნალობის მიზნით თბილისის ერთ-ერთ კლინიკაში გადაიყვანეს, სადაც გარდაიცვალება.
შინაგან საქმეთა სამინისტროს ინფორმაციით, უწყებამ ზუგდიდში მომხდარ ძალადობის ფაქტზე გამოძიება სისხლის სამართლის კოდექსის 126-ე მუხლის პირველი ნაწილით დაიწყო. პოლიციამ დანაშაულის სავარაუდო ჩამდენი არასრულწლოვანის ვინაობა დაადგინა. ტარდება საგამოძიებო ღონისძიებები.
წყარო: newposts.ge