31, ოქტომბერი 2019 18:17:00
ბათუმის მერიაში სტიქიის სალიკვიდაციო სხდომა გაიმართა. მერის წარმომადგენლებმა , ვიცე მერთან ერთად, სტიქიის შედეგები განიხილეს. ძლიერი წვიმის გამო კალაპოტიდან გადმოვიდა მდინარეები: მეჯინისწყალი, ფერია და ხახული. დაზიანებულია ჯებირების ნაწილი, რის გამოც მეწყრული პროცესები განვითარდა. დაზარალებულებს შესაბამისი დახმარება სარეზერვო ფონდიდან გაეწევათ. ვიცე მერის თქმით, მოსალოდნელი უხვი ნალექის გამო, საჭიროების შემთხვევაში დამატებითი ტექნიკაა მობილიზებული. რა ოდენობის ზიანი მიადგა ქალაქს ჯერჯერობით უცნობია. ზარალის აღწერა ამ დრომდე მიმდინარეობს.