გაგიზიარებთ ხელვაჩაურის მუნიციპალიტეტში მცხოვრები აბაშიძეების გაჭირვების ამბავს. სიღატაკის ზღვარზე მყოფ ოჯახს ხელისუფლება ყურადღებას არ აქცევს. სუყლ 4-ნი არიან, აქედან 3 შეზღუდული შესაძლებლობის მქონე პირია. ამ ამბვაშვი კი სამწუხარო ის არომ, რომ უკიდეურესად გაჭირვებულებს სოციალური დახმარება მოუხსნეს.რატომ? ამას ხატია გოგრაჭაძე არკვევდა.
რევაზ აბაშიძე გვიყვება, რომ გაუსაძლის პირობებში უწევთ ცხოვრება. შშმ პირი, ცოლთან და ორ სპეციალური საჭიროების მქონე შვილთან ერთად ცხოვრობს. ამბობს, რომ ოჯახის ოთხივე წევრი მუდმივად მედიკამენტურ მკურნალობას საჭიროებს. პენსია კი, რასაც სტატუსის გამო, ღებულობენ წამლებისთვისაც არ ყოფნით.
რევაზ აბაშიძის თქმით, სოციალური დახმარება რამდენიმე თვის წინ მოეხსნა. ამბობს, რომ მიზეზად შშმ პირებისთვის განკუთვნილი პენსია და ნათესავის მიერ ნაჩუქარი ხბო დაუსახელეს. გვიყვება, რომ დახმარების თხოვნით ხელვაჩაურის მერიას არაერთხელ მიმართა, თუმცა, მისი თქმით, ოჯახის პრობლემით არავინ დაინტერესებულა.
სახელმწიფოს მიდგომა მსგავსი ოჯახების მიმართ, უკვირთ მეზობლებს. აბაშიძეების ოჯახის ასეთი მდგომარეობის ფონზე, ოჯახისთვის სოციალური დახმარების მოხსნა, მათთვის გაუგებარია.
რის საფუძველზე დაუფიქსირდა, ოჯახს, მაღალი სარეიტინგო ქულა? სოციალური მომსახურების სააგენტოს ხელვაჩაურის რაიონულ განყოფილებაში გვითხრეს, რომ ინფორმაციას კონფიდენციალურობის გამო ვერ მოგვაწვდიან.
ორთაბათუმის თემის ხელმძღვანელმა, ჩვენთან სატელეფონო საუბარში განაცხადა, რომ აღნიშნული ოჯახის პრობლემებს კარგად იცნობს. ზია ჩახვაძემ გვითხრა, რომ ხელვაჩაურის მერს, ოჯახისთვის, სოციალურ სააგენტოსთან შუამდგომლობის თხოვნით მიმართა.
ამის მიუხედავად, ხელვაჩაურის მერიაში აღნიშნულ ოჯახზე კონკრეტული პასუხი ვერ გაგვცეს. გამგეობაში რევაზ აბაშიძის შესახებ ინფორმაცია ვერ მოიძიეს.
1
s
s
s