04, ნოემბერი 2019 17:11:00
ე.წ. კანონიერი ქურდის, მინდია გორაძის იგივე, ლავასოღლის ახლობლებმა საპროტესტო აქცია ბათუმში, თურქეთის საკონსულოსთან გამართეს. ისინი თურქეთის გენერალურ კონსულთან ბათუმში შეხვედრას ითხოვდნენ, თუმცა მაქბულე ქოჯაკი მათ არ შეხვდა. საკონსულოში განმარტეს, რომ ელჩი ახლა საქმის დეტალებს ეცნობა. შეკრებილების თქმით, მათთვის დაკავების მიზეზი არ განუმარტავთ. ამტკიცებენ, რომ ლავასოღლი სასჯელს მძიმე ვითარებაში იხდის. ბრალდებულის ოჯახის წევრები მის დაუყოვნებლივ გათავისუფლებას ითხოვენ. მინდია გორაძე თურქეთში, საქართველოს ხელისუფლების მოთხოვნით დააკავეს. რატომ არ გადმოსცა თურქეთის მხარემ დაკავებული ლავასოღლი საქართველოს ამ დრომდე, უცნობია.