ბათუმის საქალაქო სასამართლოში 11-12 მარტს აქციაზე დაკავებული სამი პირის საქმის განხილვა დღეს გადაიდო. მიზეზი სხდომაზე ერთ-ერთი ბრალდებულის გიორგი ბადრიშვილის გამოუცხადებლობა გახდა. მოსარჩელე მხარე, ირაკლი ჯიბლაძეს, გურამ ჩიკვაიძეს და გიორგი ბადრიშვილს ადმინისტრაციული სამართალდარღვევის ჩადენას ედავება, რაც წვრილმან ხულიგნობას გულისხმობს. სხდომაზე მოსამართლემ განმარტა, რომ პროცესის თაობაზე ბადრიშვილი ინფორმირებული იყო და სხდომაზე მისი გამოუცხადებლობის მიზეზი უცნობია. ინდირა მაშანეიშვილის თქმით, შესაძლოა მომდევნო სხდომაზე ის იძულების წესით მიიყვანონ. რაც შეეხება ირაკლი ჯიბლაძეს, ადვოკატი ირწმუნება, რომ მისი დაცვის ქვეშ მყოფი აქციაზე საერთოდ არ იმყოფებოდა, რასაც პროცესზე მოწმეების ჩვენებებითაც დაადასტურებს.
7
s
s
s