საბერძნეთის დროშის ქვეშ მცურავი გემიდან გატაცებულ ქართველ მეზღვაურთან დაკავშირებით ამ ეტაპზე სიახლე არ არის. როგორც საზღვაო ტრანსპორტის სააგენტოს დირექტორის პირველმა მოადგილემ განაცხადა, უწყებას მუდმივი კონტაქტი აქვს გემთმფლობელ კომპანიასთან. გარდა ამისა, ზაზა მახარაძის თქმით, სააგენტო კავშირზე გავიდა ტოგოში იმ სახელმწიფო უწყებასთან, რომელიც გემების უსაფრთხოების საკითხებში არის ჩართული. არსებული ინფორმაციით, ეკიპაჟის 24 წევრიდან, გატაცებულია ოთხი. დანარჩენი ოცი თავს კარგად გრძნობს. როგორც მახარაძემ აღნიშნა, ასეთი შემთხვევების დროს, მეკობრეები ძირითადად ფინანსებით ინტერესდებიან. შეგახსენებთ, 4 ნოემბერს ტოგოს დროით, დაახლოებით დილის სამ საათზე შეიარაღებული პირები თავს დაესხნენ საბერძნეთის რესპუბლიკის დროშის ქვეშ მცურავ ტანკერს. გემი ამ ეტაპზე ლომეს პორტშია გაჩერებული.
7
s
s
s