05, ნოემბერი 2019 21:01:00
გონიოელების ათწლიანი ბრძოლა გრძელდება. მიწების დაკანონება მათ აქციის მეშვეობით დღეს კიდევ ერთხელ მოითხოვეს. მოსახლეობა ამბობს, რომ დაპირებების აღარ სჯერა. მოთხოვნის დაუყოვნებლივ შეუსრულებლობის შემთხვევაში, ისინი მასშტაბური აქციით იმუქრებიან.
წლების წინ დაწყებული გონიოელების დავა, დღემდე რეაგირების გარეშე რჩება. ადგილობრივები, თითქმის ნახევარი საუკუნის განმავლობაში საკუთრებაში არსებული მიწების დაკანონებას ითხოვენ.
მაშინ, როცა წინა ხელისუფლებამ აქ მცხოვრებლებს თვითნებურად დაკავებული მიწები დაუკანონა, შემდეგ კი საკუთრება ჩამოართვა, 100-მდე ოჯახმა გარკვეული მიზეზების გამო, ნაკვეთის გაფორმება ვერ შეძლო. ადგილობრივები არსებულ მდგომარეობას უსამართლოს უწოდებენ და კანონში ცვლილების განხორციელების აუცილებლობაზე საუბრობენ.
ამბობენ, რომ ტერიტორიის დათმობას არ აპირებენ და თავიანთი ინტერესების გაუთვალისწინებლობის შემთხვევაში, რეგიონში, მეორე ოცნების ქალაქის გაჩენის საფრთხეზე საუბრობენ. თუკი ხელისუფლება საკითხით არ დაინტერსედება, ისინი მთავრობის სახლთან მასშტაბურ აქციებს აანონსებენ.
საკითხზე აჭარის ფინანსთა და ეკონომიკის სამინისტროს პასუხი ასეთია:
ადგილობრივები აჭარის მთავრობის თავმჯდომარეს პრობლემით დაინტერესებისკენ მოუწოდებენ. თორნიკე რიჟვაძესთან შეხვედრას და შესაბამისი კომისიის შექმნას ითხოვენ.