12, ნოემბერი 2019 19:51:00
დატოვებს თუ არა თამბაქოზე აქციზის მატება შემოსავლის გარეშე შუახევში მცხოვრებლებს? მოქალაქეები ხელისუფლებისგან კულტურის სუბსიდირებას ითხოვენ. რას გულისხმობს ახალი რეგულაციები და რა პრობლემას შექუმნის იგი ფერმერებს? ეკატრინე ბარამიძის სიუჟეტი მაღალმთიანი აჭარიდან
დავით არძენაძის ოჯახის ერთადერთი შემოსავლის წყარო თამბაქოს წარმოებაა. იმის მიუხედავად, რომ მისი მოვლა დიდ ფიზიკურ შრომას მოითხოვს, ამ კულტურის მოყვანით სოფელმა გადარჩენა შეძლო. ახლა დავითის და მისი თანასოფლელების მათი მთავარი საფიქრალი აქციზია.
სოფელ ჩანჩხალოს მოსახლეობას ძირითადად თამბაქო მოჰყავს. თითქმის ყველა ოჯახი ამ კულტურის წარმოებითა და რეალიზაციით არის დაკავებული.
სოფელში მიაჩნიათ, რომ თამბაქოზე აქციზის შემოღებით ხელისუფლება სიგარის მწარმოებელი თუ ექსპორტზე ორიენტირებული კომპანიების ინტერესებს იცავს, გლეხს კი ულუკმაპუროდ ტოვებს. ფერმერები აქციზის გაუქმებას, ან ხელისუფლებისგან თამბაქოს შესყიდვასა და სუბსიდირებას ითხოვენ.
აჭარის მთიანეთში თამბაქოს მიმღები და გადამამუშავებელი საწარმო არ არსებობს, მის რეალიზაციას გლეხები ბათუმის ბაზარში, ე.წ გადამყიდველებთან ინდივიდუალურად ახდენენ და ბითუმად ჰყიდიან.
შემოსავლების სამსახურის საგადასახადო - საბაჟო მეთოდოლოგიის დეპარტამენტის უფროსის მოადგილე განმარტავს, რომ აქციზის მოსაპოვებლად დაინტერესებულ პირს შეუძლია განაცხადი ელექტრონულადაც შეავსოს და აქციზი მოიპოვოს.
თამბაქოზე აქციზის გადასახადი ძალაში 21 ნომებრიდან შედის და დაუფასოებელი სახით ფერმერი ვეღარ გაყიდის.