ილია ვერძაძის საქმიანობაში კანონთან შეუთავსებლობა არ იკვეთება-ასეთია აჭარის უმაღლესი საბჭოს იურიდიულ და საპროცედურო საკითხთა კომისიის თავმჯდომარის შეფასება საკითხთან დაკავშირებით. ნინო ჩხეტიას განმარტებით მიუხედავად იმისა, რომ ვერძაძე აჭარის პროფკავშიების თავმჯდომარისა და ფრაქცია „ქართული ოცნება-მაჟორიტარების“ თავმჯდომარის“ თანადებობებს ერთდროულად იკავებს ინტერესთა კონფლიქტი არ იკვეთება. მისივე თქმით ცალკე განხილვის საგანია სხვა სახის მიზანშეწონილობა, რომელზეც შეფასება თავად ვერძაძემ უნდა გააკეთოს. ვერძაძის განმარტებით ის კანონს არ არღვევს. იგი არც იმ უხერხულობას გრძნობს, რაზეც მესამე სექტორის წარმომადგენლები საუბრობდნენ და აცხადებს, რომ ორივე პოზიციაზე მისი ვალდებულება საზოგაოდების ინტერესის დაცვაა. იურიდიული კომისიის თავმჯდომარეს სამართლებრივ ანალიზში არ ეთანხმება საიას აჭარის ორგანიზაციის თავმჯდომარე. გიორგი ხიმშიაშვილის თქმით სახეზეა კანონდარღვევა, რომელზეც საკანონმდებლო ორგანომ რეაგირება უნდა მოახდინოს.
4
s
s
s