18, ნოემბერი 2019 21:52:00
საპროტესტო აქცია გამართეს ბათუმში თუთუნის მწარმოებლებმაც. ისინი მსვლელობით აჭარის მთავრობის სახლთან მივიდნენ და თამბაქოზე აქციზის გადასახადი გააპროტესტეს. მოქალაქეებს აინტერესებდათ უშუამდგომლებს თუ არა ადგილობრივი ხელისუფლება მათ საქართველოს ფინანსთა და ეკონომიკის სამინისტროსთან.
,,თამბაქოს კულტურას განადგურება ემუქრება“,,.საკანონმდებლო ცვლილება უნდა ემსასხურებოდეს ხალხის ინტერესებს“- ამ ლოზუნგებით თუთუნის მწარმოებლები ქედის შემდეგ აჭარის მთავრობის რეზიდენციის წინ შეიკრიბნენ.
შეკრებილებმა გამსახურდიას ქუჩაზე საავტომობილო ნაწილი გადაკეტეს. აქციის მონაწილეებს აინტერესებდათ უშუამდგომლებს თუ არა ადგილობრივი ხელისუფლება საქართველოს ფინანსთა და ეკონომიკის სამინისტროსთან. უფლებადამცველი თამაზ ბაკურიძე ამბობს,რომ ახალი კანონის ძალაში შესვლა, სოფლის დაცარიელებას გამოიწვევს და ოჯახები,რომლებიც ყოველწლიურად თამბაქოს წარმოებით ირჩენს თავს სიღარიბის ზღვარზე აღმოჩნდებიან.
აქციის მონაწილეებს აჭარის მთავრობის აპარატის უფროსი შეხვდა . არჩილ ჩიქოვანი მოქალაქეებს დაჰპირდა,რომ საკითხს ცენტრალურ მთავრობასთან განიხილავენ და ფერმერების ინტერესების დაცვას შეეცდებიან.
საკითხს კომენტირებისას აჭარის მტავრობის თავმჯდომარემ განაცხადა რომ გათვალისიწნებული და განხილული იქნება ყველა ის მექანიზმი რომელიც, ხელს შეუწყობს თუთუნის მწარმოებელი ოჯახების კეთილდღეობას.
მიიღებენ თუ არა ფერმერები თამბაქოს გაყიდვის უფლებას? -კონკრეტულ პასუხს აქციის მონაწილეები აჭარის მთავრობიდან 21 ნოემბრამდე ელოდებიან. მოთხოვნების გაუთვალსწინებლობის შემთხვევაში ისინი მასშტაბური აქციებით იმუქრებიან.