19, ნოემბერი 2019 21:34:00
ბათუმის საქალაქო სასამართლომ 1500-1500 ლარით დააჯარიმა ბათუმში საპროტესტო აქციის 4 მონაწილე. გადაწყვეტილება მოსამართლე გოჩა ფუტკარაძემ მიიღო. გია ხალვაში, რეზო ხარაზი, ბეგლარ ფუტკარაძე და ალექსანდრე მილორავა მთავრობის სახლის პიკეტირების მოტივით დააკავეს.“ოქმი შედგენილია იმიტომ, რომ შესასვლელი კარის გამოთავისუფლებას ითხოვდა პოლიცია, რაც იყო კანონიერი”- განაცხადა მოსამართლემ. შინაგან საქმეთა სამინისტრო აღნიშნულ პირებს პოლიციელის კანონიერი მოთხოვნის დაუმორჩილებლობას ედავება. მათ ინტერესებს “ახალგაზრდა იურისტთა ასოციაცია” იცავს.