17, იანვარი 2017 08:29:00
დღეს - „ეკომიგრანტი ოჯახების საცხოვრებლით უზრუნველყოფის“ 2017 წლის პროგრამის ფარგლებში 12 ეკომიგრანტ ოჯახს საცხოვრებელი ფართობი დაურეგისტრირდათ. საცხოვრებელის დაკანონების პროცედურა იუსტიციის სახლში გაიმართა. სახლები ბენეფიციარებმა აჭარის ჯანდაცვის სამინისტროს თანადაფინასებით შეიძინეს და თითოეულს 25 000 ლარი გადაეცა. მიმდინარე წელს, პროგრამის ფარგლებში საცხოვრებელი ფართის დაკანონება 115 ეკომიგრანტისთვისაა გათვალისწინებული. „ეკომიგრანტი ოჯახების საცხოვრებლით უზრუნველყოფის“ პროგრამა 2016 წელს ამოქმედდა, რომლის ფარგლებში გასულ წელს საცხოვრებლით 96 ეკომიგრანტი დაკმაყოფილდა.