20, ნოემბერი 2019 20:44:00
2 მილიონი ევრო, რომელიც ევროკავშირმა ქედისთვის გამოყო. მთავარ გამოშვებაში გაგაცნობთ, ბენეფიციარებს რომლებიც „ პროექტის , „ სოფლის განვითარება ქედაში“ დაფინანსდნენ. ვინ რა თანხა მიიღთო და რას აპირებენ მცირე მეწარმეები გამოყოფილი გრანტის ფარგლებში?
ქედის მუნიციპალიტეტის სოფელ ცხემნაში მცხოვრები ავთო ცინცაძე ერთ-ერთი მათგანია, რომელმაც ევროკავშირის მიერ, ქედის მუნიციპალიტეტზე გამოყოფილი ორი მილიონი ევროდან გრანტი მოიპოვა. პროექტით, საცხოვრებელი სახლის მიმდებარედ შენობაც მოაწყო და ვაზისთვის რკინა-ბეტონის ბოძების დასამზადებლად სპეციალურად ყალიბებიც შეისყიდა. ამბობს, რომ პროექტი ქედის სოფლების საჭიროებებზე გათვალა და მოწონებაც დაიმსახურა.
პროექტს - „ადგილობრივი რესურსებისა და პოტენციალის ოპტიმალური გამოყენება, სოფლის განვითარება ქედაში“ CENN ახორციელებს. არასამთავრობო ორგანიზაციამ გრანტის გასაცემად კონკურსი ორჯერ გამოაცხადა და ავთოს გარდა დაფინანსება დღემდე 50-მდე აპლიკანტმა მოიპოვა. კონკურსი ამჯერად ორ ეტაპად განხოციელდება, დაინტერესებულ პირს, იდეების წარდგენა აღარ მოეთხოვება.
მესამე საგრანტო კონკურსის გამოცხადებასთან ერთად, „სენმა“ პარტნიორ ორგანიზაციებთან ერთად შეხვედრა იმ მოქალაქეებთან გამართა, რომელთა პროექტებიც ტექნიკური თუ სხვა ხარვეზების გამო დაიწუნეს. მათ შორის აღმოჩნდა სერგო ჯიჯავაძეც. იგი მერისის ხეობაში, სოფელ სილიბაურში არსებული საოჯახო სასტუმროს გაფართოებას გეგმავდა. სერგო პროექტის წარდგენას ისევ აპირებს.
ქედის მუნიციპალიტეტზე გამოყოფილი ორი მილიონი ევროდან, საგრანტო კომპონენტზე მხოლოდ ერთი მილიონი დაიხარჯება. ნინო გაფრინდაშვილის ინფორმაციით, ამ დროისთვის 50 - მდე პროექტი დაფინასდა და თანხის 50% აითვისეს. სოფლად სიღარიბის შესამცირებლად ევროკავშირმა თანხა ქედასა და ხულოს 2017 წელს გამოუყო. სამ კომპონენტიანი პროექტიდან, მოსახლეობისთვის ყველაზე მნიშვნელოვანი - საგრანტო პროექტი წელს ამოქმედდა.