ბათუმის მერიასთან პოლიციელების მობილიზება მას შემდეგ დაიწყო, რაც ოპოზიციამ უწყების დაბოქლომების შესახებ აქცია დაანონსა. სამართალდამცველების გარდა, თვითმმართველობის შენობასთან ყოფილი მსოფლიო ჩემპიონი, "ქართული ოცნების" მაჟორიტარი დეპუტატი, მუხრან ვახტანგაძე და სპორტსმენი იმყოფებოდნენ. ისინი არ მალავდნენ, რომ ტერიტორიაზე დაანონსებული აქციების გამო მივიდნენ. თქვეს, რომ არეულობის და დესტრუქციის უფლებას არავის მისცემენ.
იგივე განაცხადა მუხრან ვახტანგაძემ,. ქართული ოცნების" მაჟორიტარმა დეპუტატმა საქართველოს პარლამენტში თქვა, რომ ქალაქში არეულობის შემოტანის უფლებას არავის მისცემს. ვახტანგაძემ აღნიშნა, რომ მერიაში მისი ბიუროა და სპორტული საზოგადოებაც მასთან მივიდა.
საპირისპიროს ამტკიცებდა ქალაქის მერი დღეს. ლაშა კომახიძემ განაცხადა, რომ ტერიტორიაზე სპორტული ღონისძიების საორგანიზაციო შეხვედრის გამო მივიდნენ.
დღეს, საქართველოს მასშტაბით, ოპოზიციისა და "სირცხვილიას" ორგანიზებით, მუნიციპალიტეტებში აქციებია დაანონსებული. აქციის მონაწილეები ადმინისტრაციულ შენობებს სიმბოლურად აბოქლომებენ. სწორედ ამას უკავშრებს გია ხალვაში მერიასთან პოლიციის და სპორტსმენების მობილიზებას.
ადგილზე მივიდა ჯელალ ქიქავა, რომელიც ამტკიცებს, რომ საკრებულოში შეხვედრის მიზნით მისულს ფოიეში დეპუტატი მუხრან ვახტანგაძე თავს დაესხა, სიტყვიერი და ფიზიკური შეურაცხყოფა მიაყენა.
მიაყენა თუ არა ფიზიკური და სიტყვიერი შეურაცყოფა ვახტაგაძემ ჯელალ ქიქავას? მუხრან ვახტანგაძემ ჩვენს სატელეფონო ზარებს არ უპასუხა.
1
.jpg)
s
s
s