23, ნოემბერი 2019 01:32:00
ვაჟა-ფშაველას გამზირზე ავტოსაგზაო შემთხვევა მოხდა, რის შედაგადაც შუახნის ქალი დაშავდა. მას დაზიანებები ფეხის არეში აღენიშნება. შემთხვევა "პირველს" შსს-მ დაუდასტურა.
შსს-ს ინფორმაციით, საქმეზე გამოძიება "სისხლის სამართლის კოდექსის" 276-ე მუხლის, მე-2 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
პირველადი ინფორმაციით, მანქანა უკუსვლით მიდიოდა და დაეჯახა შუახნის ქალბატონს. დაშავებული გადაყვანილია საავადმყოფოში.