23, ნოემბერი 2019 01:39:00
საოკუპაციო ძალების მიერ ე.წ. საზღვრის უკანონო კვეთის ბრალდებით დაკავებული ექიმის ვაჟა გაფრინდაშვილის ოჯახი მიმართვას ავრცელებს.
"სამწუხაროდ წითელი ჯვრის საზოგადოება კვლავ ვერ ახერხებს ვაჟა ექიმის მონახულებას და ამანათის გადაცემას.
ორშაბათს, 18 ნოემბერს, დაკავების შემდეგ პირველად წითელი ჯვრის წარმომადგენლები შევიდნენ ცხონვალის ციხეში, მოინახულეს ვაჟა ექიმი და გადასცეს ოჯახის წერილი. მათი ონფომაციით ექიმის ჯანმრთელობის მდგომარეობა დამაკმაყოფილებელია და პირობებიც ნორმალურია. ვაჟა გაფრინდაშვილმა წითელ ჯვარს გამოატანა ოჯახთან წერილი და მოითხოვა მედიკამენტები.
მეორე დღესვე თბილისის წარმომადგენლებს გადაეცათ ამანათი მაგრამ დღემდე ვერ ხერხდება მისი შეტანა ცხინვალის ციხეში. წითელი ჯვრის ინფორმაციით, სავარაუდოდ, შემდეგი კვირის დასაწყისში მოახერხებენ ვაჟა ექიმის მონახულებას.
ოჯახის დიდი თხოვნაა, რომ ეს პროცესი დაჩქარდეს ვინაიდან ერთადერთი კავშირი ოჯახსა და ვაჟა ექიმს შორის სწორედ წითელი ჯვრის წარმომადგენლობაა", - ნათქვამია მიმართვაში.
ცნობისთვის, 9 ნოემბერს საოკუპაციო ძალებმა ექიმი გაფრინდაშვილი ე.წ. საზღვრის კვეთის ბრალდებით დააკავეს.
ექიმს 15 ნოემბერს ორ თვიანი წინასწარი პატიმრობა შეეფარდა.