აქციის ორგანიზატორები პარლამენტთან პიკეტისა და „ქართული ოცნების“ დეპუტატებისთვის სირცხვილის კორიდორების მოწყობას 28 ნოემბერს გეგმავენ
საზოგადოება
პარლამენტთან გამართული აქციის ორგანიზატორებმა 28 ნოემბერს პარლამენტის პიკეტირება დააანონსეს. აქციის ერთ-ერთმა ორგანიზატორის შოთა დიღმელაშვილის განცხადებით, მალე გახდება ცნობილი კიდევ ერთი მასშტაბური საპროტესტო აქციის ზუსტი თარიღიც.
„კონსესუსი არის შემდეგი, რომ ხუთშაბათს, აქ იქნება დილით პიკეტი - სირცხვილის კორიდორები შეგვიძლია დავარქვათ, რადგან ვიცით, კიდევ გამოიძახებენ არაპროპორციულად ბევრ ძალას და თუ საჭიროა, წყლის ჭავლსაც იხმარენ და მერე არ შერცხვება, პოლიციაზე ვინც პასუხს აგებს მას - როცა კადრები არის, რომ ადამიანები დაზიანდნენ, თვალი დაუზიანდათ და ხელი მოტეხეს - იტყვიან, რომ წყლის ჭავლი არ იყო გამოყენებული. „ქოცატყუილობა“ არის აუცილებელი და არასაკმარისი პირობა ამათ საჯარო სამსახურებში, რაიმე კარიერულ წარმატებას რომ მიაღწიო, ერთი კვირით ადრე შემოგთავაზებთ ზუსტ თარიღს ჩვენი ისევ დიდი აქციის - ერთად ერთის წინააღმდეგ, სადაც კიდევ ერთხელ ვიზეიმებთ ჩვენს განსხვავებულობას, სადაც კიდევ ერთხელ გაერთიანდებიან ტომები, სადაც ყველა გამოვა ერთად ერთის წინააღმდეგ იმისთვის, რომ უზრუნველყოს საკუთარი დემოკრატიული მომავალი, სამართლიანი არჩევნები, სამართლიანი საარჩევნო სისტემა, რომელიც არ აძლევს ფორას კონსტიტუციური უმრავლესობისთვის მმართველ ძალას.
დაიწყო სისტემის შეჯანჯღარება. აი, ხედავთ, პოლიციური რესურსიც ამოწურეს, რომ ხვალ აღარ ეყოფათ ჩვენი პიკეტირების შემთხვევაშიც. მმართელ პარტიას ტოვებენ დეპუტატები, ვისაც საერთოდ მომავალი უნდათ საჯარო ან კერძო სივრცეში. რაც მთავარია, არის კიდევ საერთაშორისო წნეხი მმართველ პარტიაზე და თუ ყველაფერი ასე გაგრძელდება, ჩვენ მივაღწევთ იმას, რომ ბიძინა ივანიშვილის აქტისვები დაყადაღდეს. არასოდეს ასე ერთიანი არ ყოფილა საერთაშორისო თანამეგობრობა და საერთაშორისო წარმომადგენლობები ხელისუფლების შეფასებისას“, - განაცხადა აქციის ერთ-ერთმა ორგანიზატორმა შოთა დიღმელაშვილმა.
ამასთა, სამოქალაქო მოძრაობა “სირცხვილიას” ერთ-ერთი ლიდერმა ნოდარ რუხაძემ აქციის მონაწილეებს ხუთშაბათს, 28 ნოემბერს, 11:00 საათზე, პარლამენტის შენობასთან შეკრებისკენ მოუწოდა. მისი განცხადებით, ხუთშაბათს აქციის მომაწილეებმა “ქართულ ოცნებას” სირცხვილის კორიდორი უნდა მოუწყონ.
“ხუთშაბათს 11:00 საათზე ვიკრიბებით პარლამენტთან, რათა სირცხვილის კორიდორი მოვუწყოთ “ქართულ ოცნებას” და კიდევ ერთხელ ვუთხრათ, რომ სირცხვილია”,- განაცხადა რუხაძემ პარლამენტის წინ სიტყვით გამოსვლისას.
ცნობისთვის, აქციის მონაწილეების განცხადებით, პიკეტირება ხვალ არ იქნება, რადგან ხვალ პარლამენტში პლენარული სხდომა არ ჩატარდება.
ამ დროისთვის პარლამენტთან აქცია დასრულებულია.
6
s
s
s