27, ნოემბერი 2019 17:52:00
საპროტესტო აქცია გაიმართა თურქეთის საკონსულოსთან. ბათუმში მცხოვრები სურმანიძეების ოჯახი თურქ ინვესტორს უჩივის. ისინი კომპანია „ნევ ბათუმის“ ხელმძღვანელობას ხელშეკრულების შეუსრულებლობაში ადანაშაულებენ და კუთვნილი ქონების დაბრუნებას ითხოვენ. ოჯახმა კომპანიასთან ხელშეკრულება 3 წლის წინ გააფორმა, რომლის მიხედვითაც მშენებლობის დასრულების შემდეგ მათ როგორც კომერციული, ისე საცხოვრებელი ფართობები გადაეცემოდათ. საკონსულო შეკრებილებს წერილით გამოეხმაურა: „სახელშეკრულებო დავებზე მიმართავენ სასამართლოს და ეს მსოფლიოს თითქმის ყველა ქვეყანაში აღიარებული პრაქტიკაა. ბუნებრივია საკონსულოები არ გახლავთ ამგვარი დავების გადაწყვეტის უწყება. აღნიშნულიდან გამომდინარე, დღევანდელი აქციის მიზნის გაგება რთულია“- აღნიშნულია ოფიციალურ განცხადებაში.“