02, დეკემბერი 2019 17:18:00
ერთიანი ეროვნული გამოცდები 2020 წელს ახალი ფორმატით ჩატარდება. სიახლეები სხვადასხვა საგანს შეეხო, მათ შორის უცხო ენების ტესტებსაც. შეფასებისა და გამოცდების ეროვნული ცენტრის ინფორმაციით, უცხო ენების ტესტებში შინაარსობრივი ცვლილება განხორციელდა, ტესტის მაქსიმალური ქულა (80) და გამოცდისათვის გამოყოფილი დრო (2 საათი და 30 წუთი) კი არ შეცვლილა. 2020 წელს უცხოური ენების ტესტებში ორი სახის სიახლე იქნება: მე-2 დავალება, რომელიც წაკითხულის გააზრებას ამოწმებდა, მოსმენის დავალებითაა ჩანაცვლებული. აბიტურიენტი ისმენს ერთ სრულ ტექსტს და პასუხობს რვა შეკითხვას. ასევე სიახლეა მე-6 დავალებაში, რომელიც გრამატიკულ ცოდნას ამოწმებს, ის 10-ის ნაცვლად 12-საკითხიანი გახდა.