02, დეკემბერი 2019 17:29:00
საგანგებო სიტუაციების მართვის სამსახურის ავტოპარკი განახლდება. 30 ევროპული სტანდარტის მქონე სახანძრო ავტომობილი გერმანიაში, კომპანია „მაგირუსის“ ქარხანაში დამზადდა. „მაგირუსის“ ფირმის სახანძრო ტექნიკა მანევრულობით, მაღალი გამავლობითა და მობილურობით გამოირჩევა. გერმანული ხარისხის წარმოება კი მორგებულია იმ მოთხოვნებზე, რაც საქართველოს პირობებშია საჭირო. საგანგებო სიტუაციების მართვის სამსახურის ინფორმაციით, მანქანების საქართველოში ჩამოსვლამდე, ქართველი მეხანძრე-მაშველები სპეციალურ გადამზადებას გერმანელი ინსტრუქტორების დახმარებით გაივლიან. ახალი, ევროპული სტანდარტის ტექნიკა მუნიციპალური სახანძრო მანქანებია. მათ საგანგებო სიტუაციების მართვის სამსახური მთელი საქართველოს მასშტაბით, სხვადასხვა ქალაქში გადაანაწილებს.