აჭარის ტელევიზიაში მიმდინარე პროცესების ფონზე დღეს სახალხო დამცველი ჟურნალისტებსა და ახალ დირექტორს შეხვდა. ნინო ლომჯარიას იგივე რეკომენდაცია აქვს, რაც გუშინ საბჭოს ჰქონდა და რაზეც ფაქტობრივად გუშინვე შეთანხმდნენ მხარეები: იმ შემთხვევაში თუ გიორგი კოხრეიძეს მედიაკონტენტთან დაკავშირებული პრეტენზიები ექნება, იგი მედიაექსპერტენს მიმართავს. ომბუცმენის შეფასებით, მედია ორგანიზაციაში სახიფათო პროცესებია. ტელევიზიაში სარედაქციო დამოუკიდებლობის შეცვლის საფრთხეზე კვლავ საუბრობს თანამშრომელთა ნაწილი.
სახალხო დამცველმა, აჭარის ტელევიზიის ჟურნალისტებთან შეხვედრის შემდეგ განაცხადა, რომ მათგან მოსმენილი ინფორმაცია შემაშფოთებელია. ნინო ლომჟარიას თქმით, თუ ფაქტები დადასტურდა, შეიძლება ითქვას, რომ მაუწყებელში სახიფათო პროცესები მიმდინარეობს.
კითხვაზე -რა ინფორმაცია მიაწოდეს ომბუცმენს? ჟურნალისტები გვპასუხობენ, რომ საკითხები დირექტორის მხრიდან სარედაქციო დამოუკიდებლოში ჩარევის საფრთხეებს ეხებოდა. თანამშრომლები ახალი ხელმძღვანელის მხრიდან მიუღებელი კომუნიკაციის არსებობაზეც საუბრობენ.
სახალხო დამცველი ჟურნალისტების შემდეგ, მაუწყებლის ხელმძღვანელს შეხვდა. ნინო ლომჯარიამ განაცხადა, რომ დირექტორს არსებული სიტუაციის მოსაგვარებლად გარკვეული რეკომენდაციები მისცა და მხარეებს შორის ნდობის აღდგენისთვის, კომუნიკაციის დაწყების აუცილებლობაზე ისაუბრა.
შეხვედრის შემდეგ გიორგი კოხრეიძემ თქვა, რომ თავადაც მაუწყებელში არსებული სიტუაციის გამოსწორებისკენაა მიმართული. აჭარის ტელევიზიისა და რადიოს დირექტორმა, კიდევ ერთხელ დაადასტურა, რომ მედია ორგანიზაციებთან ითანამშრომლებს.
სახალხო დამცველმა, ბორდის წევრების არჩევასთან დაკავშირებული კანონმდებლობის გადახედვის საჭიროებაზეც ისაუბრა.
1
s
s
s