10, დეკემბერი 2019 13:27:00
მოსკოვის ყოფილი მერი იური ლუჟკოვი გარდაიცვალა. იგი 83 წლის იყო. РЕН ТВ-ს ცნობით, ყოფილი მერი მიუნხენის ერთ-ერთ კლინიკაში გარდაიცვალა, სადაც მისთვის გულის ოპერაცია უნდა გაეკეთებინათ.
ლუჟკოვი მოსკოვის მერი 1992-2010 წლებში იყო. მას მოსკოვის მერის პოსტი 18 წლის მანძილზე ეკავა და 2010 წლის 28 სექტემბერს, რუსეთის პრეზიდენტის შესაბამისი განკარგულების საფუძველზე, თანამდებობიდან გათავისუფლდა. იმავე წლის დეკემბრის ბოლოს მედვედევმა მედიასთან საუბარში ეს გადაწყვეტილება დედაქალაქში კორუფციის დონის მატებით ახსნა.
წყარო: პრაიმტაიმი