სახალხო დამცველმა ნინო ლომჯარიამ წლის განმავლობაში ადამიანის უფლებების დაცვის კუთხით არსებულ გამოწვევებზე ისაუბრა. ომბუდსმენის აპარატის განცხადებაში ყურადღება დაეთმო შეკრებისა და გამოხატვის თავისუფლებას, ასევე პენიტენციურ დაწესებულებებში არსებულ ვითარებას. ლომჯარიას დაკვირვებით, ციხეებში კრიმინალების მმართველობა დაბრუნდა.
ციხეებში კრიმინალების მმართველობა დაბრუნდა, პრეზიდენტმა კი სიცოცხლის უფლების პროცედურული ასპექტი დაარღვია, როცა მკვლელობისთვის მსჯავრდებულები შიწყალა - ეს განცხადებები დღეს სახალხო დამცველმა გააკეთა, რომელმაც წლის განმავლობაში ადამიანის უფლებების დაცვის კუთხით არსებულ გამოწვევებზე ისაუბრა. ნინო ლომჯარია ამბობს, რომ პენიტენციურ დაწესებულებებში კრიმინალური სუბკულტურა და არაფორმალური მმართველობის მანკიერი პრაქტიკა გამოიკვეთა. ომბუდსმენი პრობლემის მოგვარების გზას ციხის ინფრასტრუქტურის შეცვლაში, ბადრაგის, ციხის ადმინისტრაციისა და სოციალური მუშაკების რაოდენობის ზრდაში ხედავს.
სახალხო დამცველმა გააკრიტიკა პრეზიდენტიც და თქვა, რომ სალომე ზურაბიშვილმა შეწყალებებით დაარღვია სიცოცხლის უფლების პროცედურული ასპექტი, რაც ომბუდსმენის განმარტებით გამოიხატება იმაში, რომ მან მკვლელობისთვის მსჯავრდებული პირები შეიწყალა ისე, რომ მათ ციხე სასჯელის მნიშვნელოვანი ნაწილის მოუხდელად დატოვეს.
ადამიანის უფლებათა დაცვის კუთხით არსებულ გამოწვევებზე საუბრისას ერთ-ერთ მთავარ პრობლემად ნინო ლომჯარია უზენაესი სასამართლოს დაკომპლექტებასაც მიიჩნევს და ამბობს, რომ იუსტიციის უმაღლესმა საბჭომ შერცეულ მოსამართლეთა კომპეტენტურობაში ობიექტური დამკვირვებლის დარწმუნება ვერ შეძლო.
ომბუდსმენმა შეკრებისა და გამოხატვის უფლების კუთხით არსებულ დარღვევებზეც ისაუბრა და განაცხადა, რომ წლის განმავლობაში ჩატარებული აქციების დროს ხშირად იყო ძალის გადამეტება.
5
s
s
s