ადლიაში, ელიავას ქუჩის 41 ნომერში მცხოვრებლები ხელისუფლებას დახმარების თხოვნით მიმართავენ. დასახლებაში ყოველი გაწვიმებისას გზის სავალი ნაწილი იტბორება, რის გამოც ფეხით გადაადგილება ჭირს.
ტერიტორია, სადაც 15-მდე სკოლის მოსწავლესთან ერთად, ბაღის აღსაზრდელებიც ცხოვრობს, უამინდობის დროს საგანმანათლებლო დაწესებულებებში გადაადგილება უჭირთ. როგორც ერთ-ერთი ადგილობრივი ამბობს, ამ პრობლემამ თავი მიმდებარედ მშენებლობების დაწყების შემდეგ იჩინა.
იმის გამო, რომ ეზოები წყლით არის დაფარული გარეთ გამოსვლა უჭირთ. ადგილობრივები შიშობენ, რომ ბათუმისთვის დამახასიათებელი გადაუღებელი წვიმების შედეგად, შესაძლოა წყლის დონემ სახლებშიც შეაღწიოს.
მოუწესრიგებელი სანიაღვრე არხების გამო, საცხოვრებელი სახლების ეზოებთან ერთად, წყლით სარდაფებიც იფარება.
მიუხედავად იმისა, რომ ტერიტორია ყოველი გაწვიმებისას იტბორება „ბათუმის წყალი“ საკითხით მას შემდეგ დაინტერესდა, რაც ჩვენ თემაზე რეპორტაჟის მომზადება დავიწყეთ. კომპანიაში განაცხადეს, რომ პრობლემის შესწავლა მიმდინარეობს.
ვიდრე პასუხისმგებელი ორგანოები პრობლემის მოგვარებაზე იზრუნებენ, მანამდე ადგილობრივებს კვლავ შიშის ფონზე და წყლით დაფარული ეზოებში მოუწევთ ცხოვრება.
4
s
s
s