08, მაისი 2017 17:05:00
ავთანდილ ქათამაძე -საქართველოს მთავრობის წინააღმდეგ, საქმეზე საკონსტიტუციო სასამართლოში დღეს არსებითი განხილვა გაიმართა. დავის საგანს „შრომითი მოვალეობების შესრულებისას დასაქმებულის ჯანმრთელობისთვის ვნების შედეგად მიყენებული ზიანის ანაზღაურების მიზნით, დახმარების დანიშვნისა და გაცემის წესის შესახებ“ საქართველოს მთავრობის დადგენილება წარმოადგენს. მოსარჩელე განმარტავს, რომ სახელმწიფო იმ პირების მიმართ, რომლებმაც დაწესებულებაში საწარმოო ტრავმა მიიღეს , როდესაც ამა თუ იმ საწარმოს 100%-ანი მეწილე სახელმწიფო იყო, ხოლო შემდეგ აღარ ფლობდა სრულ წილს, ყოველთვიურ სარჩოს სახელმწიფო მათ მიმართ მაინც უნდა გასცემდეს, დღეს მოქმედი ნორმა კი დისკრიმინაციულია და არღვევს კონსტიტუციით გარანტირებულ თანასწორობის უფლებასა და ასევე გულისხმობს დისკრიმინაციის აკრძალვას.