24, დეკემბერი 2019 17:44:00
ხანძარი ე.წ ოცნების ქალაქში. ცეცხლი გოგიტიძეების სახლს დაახლოებით 3 საათზე გაუჩნდა. საცხოვრებელი სრულად დაიწვა. განადგურდა საყოფაცხოვრებო ნივთები. ოჯახის წევრები ცეცხლის გაჩენას ელექტრო სადენებს უკავშირებენ. სხვა ვერსია აქვთ მეზობლებს, რომლებიც ყვებიან, რომ ადგილზე მოძველებულ სამოსს წვადნენ, რამაც ცეცხლის გავრცელება გამოიწვია. ტერიტორიაზე სახანძრო ბრიგადები ამ წუთებშიც მუშაობენ. რა დახმარება გაეწევათ დაზარალებულებს - ეს მას შემდეგ გადაწყდება, რაც ზარალის ოდენობას ბათუმის მერიის მუნიციციპალური სერვისების სააგენტო შეისწავლის.