18, იანვარი 2017 08:20:00
ონლაინ-სესხებზე მთავრობის დადგენილებით, ახალი რეგულაციები ამოქმედდა,რომლის თანახმადაც, სესხის წლიური საპროცენტო განაკვეთი მაქსიმუმ 100 %-ს არ უნდა აღემატებოდეს. დადგენილების მიღებამდე იგივე საპროცენტო განაკვეთი ბევრად მაღალი იყო და ხშირ შემთხვევაში 400-500%-საც აღწევდა. ფინანსთა სამინისტროში აცხადებენ, რომ ეს ცვლილება მომხმარებელთა უფლებების დაცვას ემსახურება.რეგულაციები ასევე შეეხებათ იმ მომხმარებლებსაც, რომლებიც სესხის გადავადების სერვისით სარგებლობდნენ. ცვლილებებია ვადებთან დაკავშირებითაც. ორგანიზაციები მოკლევადიან სესხებს აღარ გასცემენ. ონლაინ სესხების გამცემ კომპანიათა ნაწილი თვლის, რომ ახალი რეგულაციები მათ მოგებას შეუმცირებს და ხარჯებს გაუზრდის, ასევე შემცირდება მომხმარებლების რაოდენობაც, რამაც ბაზარზე შეიძლება ბევრი კომპანიის დახურვა გამოიწვიოს.