11, მაისი 2017 20:00:00
აჭარის საარქივო სამმართველომ უკრაინისა და რუმინეთის არქივის წარმომადგენლებს უმასპინძლა. კიევის, ოდესის და ნიკოლაევის არქივის ხელმძღვანელები, ასევე რუმინეთის საგარეო საქმეთა სამინისტროში არსებული არქივის თანამშრომლები აჭარის არქივის განვითარების ისტორიას გაეცნენ. მხარეებმა ისაუბრეს სამომავლო თანამშრომლობაზე. ვიზიტის ფარგლებში ხელი მოეწერება მემორანდუმს, რომლის ფარგლებშიც მხარეები ისტორიული დოკუმენტების გაცვლასაც შეძლებენ. შეხვედრა უკრაინა-საქართველოს დიპლომატიური ურთიერთობის 25 წლისთავთან დაკავშირებით შედგა.