სოციალურად დაუცველი ოჯახი ქობულეთიდან. ცხოვრება მეზობლების იმედად, უკიდურესად მძიმე სოციალურ პირობებში. სურმანიძეები ადგილობრივი ხელისუფლებისგან დახმარებას ითხოვენ. სახლი, რომელშიც ღამეს ათევენ, ავარიულია. ჩამსხვრეულია ფანჯრები, დაზიანებულია იატაკი და სახურავი.
კადრები, რომელსაც თქვენ ახლა ხედავთ, სურმანიძეების ოჯახის საცხოვრებელს წარმოადგენს. უკიდურესად მძიმე პირობებში ისინი წლებია ცხოვრობენ. სახლის სახურავი დაზიანებულია, ფანჯრები კი ჩამკრებულია. წვიმისა და ქარის დროს, აქ გაჩერება რთულია. იატაკზე ფიცრები ერთმანეთს დაშორებულია, რაც გავლისას საფრთხეს წარმოადგენს.
ეს ქეთევან სურმანიძეა. ოჯახის დიასახლისმა ცოტა ხნის წინ ოპერაცია გაიკეთა და სიარული ამ დრომდე უჭირს. მას მუშაობაც არ შეუძლია. იგი ხელისუფლებისგან დახმარებას ითხოვს.
ოჯახს არც ტექნიკა გააჩნია. მათ საყოფაცხოვრებო ნივთებს მხოლოდ ტელევიზორი და მეზობლისაგან ნათხოვარი სარეცხი მანქანა წარმოადგენს. 4 წევრიან ოჯახს მაცივრის არ ქონის გამო, ზაფხულში საკვები პროდუქტები ხშირად უფუჭდებათ.
გივი სურმანიძე აღნიშნავს, რომ სოციალური დახმარება მათ 2013 წლიდან შეუწყვიტეს, თუმცა მიზეზი ამ დრომდე არ იციან.
საპირისპიროს ამბობენ სოციალური მომსახურების სააგენტოში. როგორც თემურ ჭანტურიშვილმა გვითხრა, სურმანიძეებს 50 ლარიანი პენსიის სახით დახმარება აქვს, რაც მცირეწლოვანი ბავშვის გამო ეკუთვნით. მისივე თქმით, ოჯახში არსებობს ადამიანები, ვისაც მუშაობა შეუძლიათ და არსებობისათვის თვითონვე უნდა იზრუნონ.
ქობულეთის მერიაში მხოლოდ წერილობით განმარტება გააკეთეს, სადაც აღნიშნულია, რომ:
სურმანიძეები თვლიან, რომ ისინი ხელისუფლებისგან მივიწყებულები არიან. მათზე ზრუნვა კი ხშირ შემთხვევაში მეზობლებს უწევთ.
1
.jpg)
s
s
s