29, იანვარი 2020 18:41:00
სალომე ზურაბიშვილმა ბიძინა ივანიშვილი პრეზიდენტად მოიხსენია. ამ დროს ქვეყნის პირველი პირი ევროპის საბჭოს საპარლამენტოს ასამბლეაში ყალბ ამბებზე დასმულ კითხვას პასუხობდა. "რაც შეეხება, მათ შორის პირველ განცხადებას, რომელიც პრეზიდენტ ივანიშვილის განცხადებებს ეხებოდა, ვფიქრობ, რომ ჩვენ ყველანი საქართველოში, მათ შორის მეც, მუდამ ყალბი ამბებისა და დეზ-ინფორმაციის წნეხის ქვეშ ვარ იმის გამო, თუ რა ვთქვი ან არ ვთქვი"- განაცხადა ზურაბიშვილმა. გუშინ პრეზიდენტმა ასევე ისაუბრა სასამართლო რეფორმაზე, ადამიანის უფლებებზე, ოკუპაციასა და სხვა სოციალურ თემებზე. გამოსვლის შემდეგ მას რამდენიმე წუთის განმავლობაში კითხვებს უსვამდნენ, რომელიც ეხებოდა როგორც ე.წ. გავრილოვის ღამეს, ისე ოკუპაციასა და საქართველოს საგარეო პოლიტიკას.