უკიდურესად გაჭირვებული მოხუცი დიდაჭარის ქუჩიდან. ნოდარ ბალახაძე ქალაქში, მეუღლესთან ერთად, ქირით აღებულ ფართში ცხოვრობს, თუმცა ჯანმრთელობის პრობლემების გამო საცხოვრებლის საფასურს ვერ იხდის. ეს ყველაფერი არ არის. ოჯახის გასაჭირია იცის, რომ მოხუცმა შესაძლოა სამსახური იმის გამო დაკარგოს, რომ მძიმე ოპერაციების შემდეგ ბოლო 2 თვე ვერ მუშაობს. ითხოვს კომპენსაციას. ია გოლიაძე არკვევდა მთელი დღის განმავლობაში, რა უჭირს მოხუცს და დაეხმარება თუ არა მას სახელმწიფო.
ნოდარ ბალახაძე ამ სივრცეში მეუღლესთან ერთად 3 წელია ცხოვრობს. ეს ერთი ოთახია მისაღებიც, საძინებელიც და სამზარეულოც. ფართი ქირით აქვს აღებული. იმის გამო რომ მოხუცს ჯანმრთელობის პრობლემები აქვს, უკვე მეოთხე თვეა ქირის საფასურს ვერ იხდის. ახლა ლოგინდაა ჩავარდნილი და დამოუკიდებლად გადაადგილებაც უჭირს
ახლა 63 წლის მოხუცის შემოსავალი ომის ვეტერანობის 70 ლარიანი დახმარებაა. სოციალურად დაუცველის ფინანსურ შემწეობასაც იღებდა, თუმცა სტატუსი ერთი თვის წინ შეუჩერეს. ფული საჭმლის შესაძენადაც არ ჰყოფნით. შიშობს, რომ დაკარგავს სამსახურსაც. ეს კი იმის გამო, რომ მძიმე ოპერაციების შედეგად სამსახურში გამოცხადდება ბოლო 3 თვეა ვერ შეძლო
ამბობს, რომ ქირურგიული ჩარევის შემდეგ სამედიცინო დაწესებულებაში იმის დამადასტურებელი ცნობა მისცეს, რომ შესაძლებლობები მკვეთრად შეზღუდული აქვს და მუშაობა არ შეუძლია. ითხოვს 3 თვის კომპენსაციას. როგორც გვიყვება, სანდასუფთავების სამსახურიდან თავიდან თანხმობა, შემდეგ კი უარი მიიღო.
შპს „ბათუმის სანდასუფთავების“ სამსახურში ნოდარ ბალახაძის პრეტენზიები უსაფუძვლოდ მიაჩნიათ. დავით დუმბაძის განცხადებით, კომპენსაციის გაცემის წინააღმდეგი არ არის, თუმცა მანამდე მოქალაქემ სამსახურიდან წასვლის შესახებ განცხადება უნდა დაწეროს.
რატომ გახდა სოციალურად დაუცველის სტატუსის დროებით შეჩერება ან შესაძლოა თუ არა ოჯახი დამხარების გარეშე დარჩეს? სოციალური მომსახურების სააგენტოს ბათუმის ცენტრის უფროსის მოადგილე ამბობს:
ნოდარ ბალახაძე შპს „ბათუმის სანდასუფთავების“ სამსახურში დღის განმავლობაში, ერთის ნაცვლად 2 სმენად მუშაობდა და ყოველთვიურ ანაზღაურებას , 935 ლარის ოდენობით იღებდა.