შტორმის შედეგად დაზიანებული ქვიშის სტადიონები ბათუმის პლაჟზე. მოედნებს კლიმატური პირობები ხშირად აზიანებს. ქვიშის საფარი და ტრიბუნის ზონა ამორტიზებულია. რას ამბობენ პრობლემაზე ბათუმის მერიის ინფრასტრუქტურისა და კეთილმოწყობის სამსახურში? როდის მოახდენს უწყება რეაგირებას? ხატია გოგრაჭაძის სიუჟეტიდან მთავარ გამოშვებაში გაიგებთ.
ბათუმის პლაჟზე განთავსებული ქვიშის სტადიონები, რომლებიც სანაპირო ზოლისთვის დამახასითებელი შტორმის გამო, ხშირად ზიანდება, ამ დროისთვის ასე გამოიყურება. ქვიშის ფრენბურთის ფედერაციაში იმედი აქვთ, რომ აქ არსებული სპორტული ინფრასტრუქტურა ზაფხულამდე მოწესრიგდება და პლაჟის თამაშების სეზონს მომზადებული შეხვდებიან.
ქვიშის ფეხბურთის ფედერაციაში ამბობენ, რომ მოედნებს კლიმატური პირობები ხშირად აზიანებს. ჯაბა ჭანტურიას თქმით, ქვიშის საფარი და ტრიბუნის ზონა ამორტიზებულია, თუმცა, იმედოვნებს, რომ თამაშების სეზონს ინფრასტრუქტურის გამო, ხელი არ შეეშლება.
ბათუმის მერიაში გვიმტკიცებენ, რომ ქვიშის მოედნების მოსაწესრიგებლად პროექტები უკვე შეძენილია. საქალაქო ინფრასტრუქტურისა და კეთილმოწყობის სამსახურის უფროსის თქმით, ამ მიმართულებით განსაზღვრული თანხა დააახლოებით 600 ათას ლარს შეადგენს, თუმცა იმის გამო, რომ წელს ქალაქში, ქვიშის სპორტის მიმართულებით, ევროპის ჩემპიონატი იგეგმება, საერთაშორისო სტანდართებთან შესაბამისობის გასათვალისწინებლად, შესაძლოა პროექტი გადაიხედოს.
საქალაქო ინფრასტრუქტურისა და კეთილმოწყობის სამსახურში, ქვიშის მოედნების მოსაწესრიგებლად საჭირო კონკრეტულ ვადებს ვერ გვისახელებენ. აქ გვითხრეს, რომ ვადების განსაზღვრა ბათუმის მერიის კომპეტენციაა.
1
s
s
s