30, იანვარი 2020 17:21:00
რა კრიტერიუმებს უნდა აკმაყოფილებდეთ იმისთვის, რომ ხელმისაწდომი საცხოვრისის ბენეფიციარი გახდეთ? ანუ რამდენი უნდა იყოს თქვენი ხელფასი, რომ იაფი სახლის შეძენა შეძლოთ? დეპუტატებმა დღეს ის დეტალები დააზუსტეს, რის საფუძველზეც ბინების გაცემა მოხდება. საკრებულოს სხდომას ჩემი კოლეგა დაესწრო.
დეპუტატებმა „ხელმისაწვდომი საცხოვრისის“ განხორციელების მიზნით, გასატარებელი ღონისძიებების შესახებ, საკრებულოს განკარგულებებში ცვლილების შეტანის თაობაზე იმსჯელეს. წარმოდგენილი პროექტის მიხედვით, კვადრატული მეტრის ღირებულება ათას ას ლარამდე, ბინის გამოსყიდვის ვადად კი - 15 წელი განისაზღვრა. საკრებულოს წევრებს კითხვები, გადაუხდელობის შემთხვევაში წარმოქმნილ შესაძლო რისკებთან დაკავშირებით ჰქონდათ.
კრიტერიუმების დოკუმენტი, რომლის მიხედვითაც ბენეფიციარები შეირჩევა, შვეიცარიის განვითარების სააგენტოსთან თანამშრომლობით და კონსულტანტი სოციოლოგიური კომპანიის მეშვეობით განისაზღვრა. აპლიკანტი ოჯახის შემოსავალი, „ხელმისაწვდომი საცხოვრისისთვის“ საჭირო ყოველთვიურ შენატანზე სამჯერ მეტი უნდა იყოს.
ბენეფიციარი, სოციალურად დაუცველი ოჯახების ბაზაში არ უნდა ირიცხებოდეს. ბათუმის მერიის მუნიციპალური პოლიტიკის სამსახურში, ამას იმით ხსნიან, რომ პროგრამა ბინის ღირებულების შესაბამისად გამოსყიდვას ითვალისწინებს. ეთერ ლომაძის განმარტებით, ფოკუსი თავიდანვე დაბალ შემოსავლიან ადამიანებზე იყო, რომლებიც სახელმწიფოსგან შემწეობას არ იღებენ.
დეპუტატებმა, სივრცითი განვითარებისა და განაშენიანების მართვის დოკუმენტაციის დამტკიცების საკითხიც განიხილეს, რომელიც კოდექსის შესამმისად შეიცვალა. ქალაქგანვითარებისა და ურბანული პოლიტიკის სამსახურის უფროსმა საკრებულოს წევრებს იმ პირობების დოკუმენტაცია წარუდგინა, რასაც კონკურსანტი კომპანია უნდა აკმაყოფილებდეს.
ბათუმის საკრებულოს 2020 წლის პირველ სხდომაზე, მერიაში დასაქმებული საჯარო მოხელეების საშტატო ნუსხის ცვლელბაც განიხილეს. რაც ახალი აიპის „ ბათუმის მუნიციპალური ინსპექციის“ შექმნის შედეგად, სხვა სამსახურებში ზედამხედველობითი ფუნქციების გაუქმებამ გამოიწვია.