გაძვირებული დოლარი, ლარი ისტორიულ ნიშნულზე და დაცარიელებული სამომხმარებლო კალათა. ფასები საკვებ პროდუქტზე დღითიდღე იზრდება, ბაზარი კი მომხმარებლისგან ცარიელდება. რაზე იმატა ყველაზე მეტად ფასებმა და რა პროგნოზებს აკეთებენ ეკონომისტები? ნინია მესხიძე ამზადებს რეპორტაჟს, დაელოდეთ
საკვებ პროდუქტებზე გაზრდილი ფასები საზოგადოებრივი თავშეყრის ადგილებში ხშირი განხილვის საგანია. მოქალაქეები თემას ქუჩაში, საზოგადოებრივ ტრანპოსტში, სამსახურებშიც კი განიხილავენ. რა პროდუქცია გაძვირდა ყველაზე მეტად? კითხვით მოქალქეებს მივმართეთ. ჩვენს მიერ შემთხვევით შერჩევის პრინციპით გამოკითხული ადამიანების აზრი გაიყო. ერთი ნაწილისთვის ერთჯერად ბოსტნეულ კულტურებზე იმატა ფასმა, ხოლო მეორესთვის იმპორტირებულმა პროდუქტმა. ისინი მიზეზებზეც საუბრობენ.
ფასების გაძვირებას ადასტურებენ გამყიდველებიც. ამბობენ, რომ ძირითადად უცხოეთიდან შემოტანილი პროდუქტი ძვირდება. შედეგად კი ბაზარი მომხმარებლებისგან უფრო და უფრო ცარიელდება.
წელს, ინფლაციამ წინა წლის იანვართან შედარებით 6,4 პროცენტი შეადგინა, რის მიზეზადაც ორგანიზაციაში „საზოგადოება და ბანკები“ ლარის გაუფასურებას ასახელებენ. გიორგი კეპულაძის თქმით, ფასების გაუმჯობესების გარანტია მხოლოდ ლარის სტაბილიზაცია იქნება.
აჭარის სავაჭრო-სამრეწველო პალატის თავმჯდომარე ამბობს, რომ საახალწლო პერიოდის შემდეგ ერთგვარი სიძვირე ნორმალურია და შექმნილი ვითარება საგანგაშო არ არის.
რამდენად არის მოსალოდნელი ფასების დარეგულირება სურსათზე? ან შესაძლებელია თუ არა პროდუქტის ღირებულება დაუბრუნდეს პირვანდელ ნიშნულს ლარის გამყარების შემთხვევაში? სპეციალისტებს პასუხის გაცემა უჭირთ.
1
s
s
s