უთანასწორობა სწავლის ხარისხში. ბოლო წლებში საქართველოში შედეგები უმჯობესდება თუმცა არათანაბარი ხდება. ანუ, მოსწავლეები ქალაქად უსწრებენ თანატოლებს, რომლებიც განათლებას სოფლებში იღებენ. ასევე არაპროპორციულია ეკონომიურად პრივილეგირებული მოზარდებისა და სოციალურად დაუცველი ბავშვების ცოდნის დონეები. რა იწვევს სურათს? ეკონომიკური თანამშრომლობისა და განვითარების ორგანიზაციის კვლევის შედეგებსა და რეკომენდაციებს გაგაცნობთ ნახევარ საათში.
გაუმჯობესებული სწავლის შედეგები კითხვაში, მათემატიკასა და საბუნებისმეტყველო მეცნიერებეში. ბოლო ათწლეულში 15 წლის ასაკის მოსწავლეებში გამოკვეთილ ტენდენციაზე ეკონომიკური თანამშრომლობისა და განვითარების ორგანიზაცია წერს. კვლევის ეს შედეგები, სოფლად მცხოვრები თანატოლებისთვის განსხვავებულია. სწავლის ხარისხში უთანასწორობა თვალშისაცემია, სოცილურად დაუცველ ოჯახებშო მცხოვრებ მოსწავლეებთან მიმართებით.
ორგანიზაციაში, სადაც ბავშვთა საკითხებზე და უფლებრივ მდგომარეობაზე აქტიურად მუშაობს არათანასწორ გარემოზე საუბრობენ. მათი შეფასებით, ბავშვები სათანადო საკვებს ვერ იღებენ, რაც გონებრივ განვითარებაზე უარყოფითად მოქმედებს. „იალქანში“ იმისასაც ამბობენ, რომ სოფლად მცხოვრები ბავშვებისთვის სერვისები ხელმისაწვდომი არ არის.
ოპოზიციაში, არსებულ მდგომარეობას დისკრიმინაციულად აფასებენ. „ნაციონალურ მოძრაობაში“ ფიქრობენ, რომ სახელმწიფო სოციალური ფონის გაუმჯობესებას ვერ უზრუნველყოფს. ასმათ დიასამიძის შეფასებით, ამის გამო, სწავლის ნაცვლად მოზარდები უპირატესობას ფიზიკურ შრომას ანიჭებენ, რაც საბოოლო ჯამში განათლების ხარისხზე აისახება.
როგორია მდგომარეობა აჭარაში? შეფასება უმაღლესი საბჭოს დეპუტატს ცოტნე ანანიძეს ვთხოვეთ. კანონმდებელი, სწავლის და აკადემიური მოსწრების სხვაობას, სოფლად და ქალაქად მცხოვრებ მოზარდებს, შორის ეთანხმება და ამგვარი შედეგის მიზეზებზეც მიუთითებს. ანანიძის შეფახებით, ხშირ შემთხვბევაში, ეს სოციალური ფონითაა გამოწვეული, რის გამოც ოჯახები შვილების კერძო რეპეტიტორთან დამატებით მომზადებას ვერ ახერხებენ.
რას გეგმავს სახელმწიფო იმისთვის, რომ ქალაქად და სოფლად სწავლის შედეგები თანაბარი იყოს? აჭარის განათლების, კულტურისა და სპორტის სამინისტროში საკითზე კომენტარი არ გააკეთეს.