16, მაისი 2017 20:02:00
„საცხოვრისის მართვა და მრავალბინიანი სახლების ენერგოეფექტური გაჯანსაღება“ - თემაზე დღეს ბათუმში სემინარი გაიმართა. სემინარის მიზანია ბინათმესაკუთრეებზე საინფორმაციო-საკონსულტაციო დახმარების გაწევა, რათა აამაღლონ მათი ცნობიერება საბინაო მეურნეობის მართვის საკითხებზე და ხელი შეუწყონ სხვადასხვა დაინტერესებულ მხარესთან არსებული პრობლემების განხილვას საბინაო ფონდის მართვის სფეროში. ასევე წარმოადგინეს რესურსცენტრების აქტივობები სხვადასხვა ქვეყნებში და მათი განვითარების სტრატეგიის შემუშავებისა და განხორციელების მაგალითები. პროექტს სამოქალაქო საზოგადოების ინსტიტუტი და ინიციატივა „საბინაო მეურნეობა აღმოსავლეთ ევროპაში“ ერთობლივად ახორციელებენ.