პოლიტიკური პარტიები „ქართულის ოცნების“ მხრიდან, გიგი უგულავას დაპატიმრებას აფასებენ. ნაციონალურ მოძრაობაში მას დღის გმირად მოიხსენიებენ. შენების მოძრაობაში კი მიაჩნიათ, რომ მმართველი გუნდი მტრის ხატის შექმნას ცდილობს. ხელისუფლება დესტრუქციულიად მიაჩნიათ თავისუფალი დემოკრატებში. კიდევ რას ამბობენ ხელისუფლების ოპონენტები? სიუჟეტიდან გაიგებთ.
ნაციონალურ მოძრაობაში გიგი უგულავას დღის გმირს უწოდებენ. ასმათ დიასამიძის თქმით, თბილისის ყოფილი მერის დაკავება ნათელი მაგალითია იმისა, როგორაა დამოკიდებული ქართული სასამართლო ბიძინა ივანიშვილის სურვილებზე.
შენების მოძრაობაში ამბობენ, რომ ქართული ოცნება ოპოზიციის გამოწვევას ცდილობს, რასაც მათი მხრიდან რაციონალური და გონივრული პასუხი უნდა მოჰყვეს. გიორგი მასალკინის შეფასებით, ბიძინა ივანიშვილს ყველას ნაციონალებად მონათვლა სურს.
არ შეიძლება ხელისუფლება ამ გზით მიდიოდეს მაშინ, როცა მიმდინარე წელს არჩევნები უნდა ჩატარდეს - ასე აფასებს მომხდარ ფაქტს პარტია „სამართლიანობისთვის“ ერთ-ერთი ლიდერი, ეკა ბესისლია.
თავისუფალ დემოკრატებში მიაჩნიათ, რომ ხელისუფლება დესტრუქციულია. ლევან სამუშიას განმარტებით, „ქართული ოცნება“ პოლიტიკური ტერორის გზაზეა.
ევროპულ საქართველოში ამბობენ, რომ ხელისუფლების ქმედება დეკლარილებაა იმისა, რომ ქვეყანას დიქტატორული მმართვლობისაკენ მიდის. სერგი კაპანაძე, დემონსტრაციების გაგრძელებას აანონსებს.
მმართველ პარტიაში მიაჩნიათ, რომ ოპოზიციური სპექტრი ცდილობს ნებისმიერი პრობლემა პოლიტიკას დაუკავშიროს. აჭარის უმაღლესი საბჭოს დეპუტატის ილია ვერძაძის თქმით, უგულავა სასჯელს იმისათვის იხდის, რაც დაიმსახურა.
შეგახსენებთ, საქართველოს უზენაესმა სასამართლომ „ევროპული საქართველოს“ ერთ-ერთი ლიდერი განვითარების ფონდის საქმეზე დამნაშავედ ცნო. მას პატიმრობა 3 წლითა და 2 თვით მიუსაჯეს.
3
s
s
s