მარტოხელა ქალი „ოცნების ქალაქიდან“. უკიდურესად გაჭირვებული თინა სურმანიძე ქოხში, სიღატაკეში ცხოვრობს. მისი მთელი ქონება ერთი ოთახი, რომელიც სამზარეულოცაა, საძინებელიც და მისაღებიც. აქვს ჯანმრთელობის პრობლემები. საპენსიო ასაკს ჯერ კიდევ არ მიუღწევია. ერთადერთი შემოსავალი სოციალური დამხარებაა. როგორია ცხოვრება 50 ლარის ამარა? ია გოლიაძე გიამბობთ.
რიგით 44-ე სახლში 58 წლის თინა სურმანიძე მეხუთე წელია ცხოვრობს. სახლს პირობითად თუ უწოდებ, რადგან აქაურობა მხოლოდ ერთი ოთახია. სიმჭიდროვის გამო, ყველაფერი 15 კვადრატულ მეტრ ფართობზეა განთავსებული. უკიდურესად გაჭირვებული მარტოხელა ქალს საცხოვრებელში გადაადგილებაც უჭირს. ე.წ ოცნების ქალაქში ცხოვრებას და სიდუხჭირეს ისიც ემატება, რომ ვერ მუშაობს. საჭმელი სოციალური სასადილოდან მოაქვს.
ვერ მუშაობს იმიტომ, რომ ჯანმრთელობის პრობლემები აქვს. ერთადერთი რითიც სახელმწიფო ეხმარება, 50 ლარიანი შემწყეობაა. თანხა წამლების შესაძენადაც არ ყოფნის. უჭირს ელექტროენერგიის გადასახადადის გასტუმრებაც.
გათბობისთვის ღუმელს იყენებს, თუმცა შეშის ყიდვის შესაძლებლობა არ აქვს. ქოხი ამორტიზებულია. უამინდობისას, ქარში მოძრაობს, წვიმაში წყალი ჩადის და თოვლში გაჩერება შეუძლებელია. სახურავი იმდენად დაზიანებულია, ნებისმიერ დროს შეიძლება ჩამოიშალოს.
იმისთვის, რომ 58 წლის თინა სურმანიძემ სახელმწიფოსგან მედიკამენტებით დახმარება მიიღოს, სოციალური მომსახურების სააგენტოს ჯანმრთელობის შესახებ ცნობა უნდა წარუდგინოს.
2
s
s
s