12, თებერვალი 2020 21:45:00
ავარიული სახლი თამარის დასახლებაში სადაც 20-მდე ოჯახი სიცოცხლისთვის საფრთხის შემცველ გარემოში ცხოვრობს. ბარაკული ტიპის შენობა იმდენად ამორტიზებულია რომ თოვლს ვერ გაუძლო. საცხოვრებელის ნაწილი ჩაინგრა. რა ბედი ელით მოქალაქეებს ან როგორ აპირებს სახელმწიფო მათ დახმარებას? რეპორტაჟი მზადდება , დაელოდეთ
ეს ის შენობაა, რომლის ნაწილი გუშინ დიდთოვლობის შედეგად ჩამოიშალა. იგორ ხუმეიანი თამარის დასახლებაში, ამ სახლში მარტო ცხოვრობს. სოციალურად დაუცველ მოხუცს ახლა ღამის გათევა საფრთხის შემცველ გარემოში მოუწევს .
შენობაში 20-მდე ოჯახი ცხოვრობს. ობიექტი ძველი და ამორტიზებულია, კედლები დაბზარული, შესასვლელები ავარიული. ლელა კეკელიძე კიდევ ერთი მოქალაქეა, რომელიც სიცოცხლისთვის საფრთხის შემცველ გარემოში ცხოვრობს. დახმარების თხოვნით ბათუმის მერიას არაერთხელ მიმართეს, თუმცა უშედეგოდ.
პრობლემაზე საუბრობს უმიან საგინაძეც. ამბობს, რომ სახლში რომ გაუსაძლისი პირობებია შექმნილი. უამინდობისას შენობაში წვიმა ჩადის. დიდთოვლობის დროს კი იქ გაჩერება შეუძლებელია.
პრობლემის შესახებ ინფორმირებულები არიან მერიაში, თუმცა როგორ უნდა გადაჭრან - ამაზე პასუხი არ აქვთ. თამარის ადმინსტრაციულ ერთეულში გვითხრეს, რომ ავარიული შენობის რეაბილიტაციაზე თანხის ხარჯვა არ ღირს.
აშენდება თუ არა ახალი კორპუსი ძველის ნაცვლად ან რა ბედი ელით აქ მხზოვრებლებს - მერიას კითხვაზე პასუხი ჯერ ჯერობით არ აქვს.