13, თებერვალი 2020 17:59:00
შუახევში ახალი პროფესიული სასწავლებელი იხსნება. კოლეჯში მსურველები ტურიზმის, აგრარული, სამშენებლო და სხვა მიმართულებით პროფესიულ სწავლებასა და გადამზადებას შეძლებენ. შენობის სარეაბილიტაციო სამუშაოები დაწყებულია და მალე დასრულდება. პროექტი კი თეორიული და პრაქტიკული სწავლებისთვის შესაბამისი ოთახების მოწყობას, სველი წერტილებისა და ცენტრალური გათბობის სისტემის მონტაჟს ითვალისწინებს. შეზღუდული შესაძლებლობის მქონე პირებისათვის მოეწყობა ლიფტი. კურსდამთავრებულებს საერთაშორისო დონის სერთიფიკატები გადაეცემათ.