14, თებერვალი 2020 18:17:00
ხულოში, შუახევსა და ქედაში საგანგებო შტაბები მოქმედებს. ვითარებას ადგილზე გუშინ, გვიან ღამით აჭარის მთავრობის თავმჯდომარე გაეცნო. თორნიკე რიჟვაძემ საავტომობილო გზების დეპარტამენტის ხელმძღვანელისგან და მუნიციპალიტეტების წარმომადგენლებისგან შესაბამისი ინფორმაცია მოისმინა და დიდთოვლობის შედეგად გამოწვეული პრობლემების გადაჭრის გზებზე ისაუბრა. რეგიონის მთავრობის წარმომადგენლების მტკიცებით, გზები აქტიურად იწმინდება და ამ მიმართულებით შეფერხებები არ არის.