60-მდე ოჯახი რისკის შემცველ გარემოში. ქვედა სალიბაურში, ყოფილი ჩაის ფაბრიკის შენობაში, იძულებით შესახლებულები დახმარებას წლებია უშედეგოდ ითხოვენ. ყოველი გაწვიმება მათთვის ღია ცის ქვეშ ცხოვრების ტოლფასია. სველი კედლები და იატაკი, სიბნელესა და სიცივეში გათენებული ღამეები. ბავშვები, რომლებიც ღამით ქურთუკებით იძინებენ. არსებობისთვის ბრძოლა გარემო პირობებთან, მრავალშვილიან ოჯახებს ყოველდღიურად უწევთ.
ჩხეიძეების 5 წევრიანი ოჯახის ერთადერთი შემოსავალი 150 ლარიანი დახმარებაა, რომელსაც მრავალშვიანობის სტატუსის საფუძველზე იღებენ. ოჯახის დიასახლისი გვიყვება, რომ უამინდობისას სახლი წყლით ივსება. სველდება კედლები, იატაკი და საყოფაცხოვრებო ნივთები. გასათბობად მხოლოდ ღუმელი აქვთ, რომელიც ოთახს სრულყოფილად ვერ ათბობს. მათ პრობლემას კი უშუქობა ემატება.
ანალოგიურ პრობლემებზე საუბრობს გვერდით მცხოვრებიც. დიასამიძეები თავს შვილის პენსიით ირჩენენ, რომელსაც ეპილეფსია აქვს. სახლში, სადაც ოთხი წევრი ცხოვრობს ისევე წვიმს, როგორც გარეთ. ღამით მეზობლებისაგან გრაფიკით მიღებული ელექტროენერგიის ხარჯზე არიან.სწორედ ამიტომ, ხშირად დენის მაღალი საფასურის გადახდა უწევთ. ეს გარემოება მეზობლებს შორის კონფლიქტის მიზეზი ხშირად გამხდარა.
ეს კი გუნდაძეების 8 წევრიანი ოჯახია. დიასახლისი იმ დღეებს იხსენებსა, როცა ბავშვებისათვის დილა შიმშილით იწყება. მისივე თქმით, შვილები უშუქობის გამო, ვერ სწავლობენ, რის გამოც სკოლაშიც არ დადიან. 5 შვილის დედა ხელისუფლებას დახმარების თხოვნით მიმართავს.
თემაზე აჭარის ფინანსთა და ეკონომიკის სამინისტროში მხოლოდ სიტყვიერი კომენტარი გააკეთეს:
იმის გამო, რომ ცხოვრებისთვის სხვა ალტერნატივა არ აქვთ, 150-მდე ბავშვს ცხოვრება რისკის შემცველ გარემოში უწევთ. წვიმის დროს თავს პლედებით იცავენ. სიცივემ მათი ჯანმრთელობის მდგომარეობის გაუარესებაც გამოიწვია.
4
s
s
s