17, თებერვალი 2020 14:15:00
გარემოს ეროვნული სააგენტოს სპეციალისტი ინგლისში, ქალაქ რედინგში წამყვანი ქვეყნების და ორგანიზაციების მაღალკვალიფიციურ სპეციალისტებთან ერთად ევროპის ამინდის საშუალოვადიანი პროგნოზების ცენტრის (ECMWF - The European centre of medium-range weather forecasts) მიერ ორგანიზებულ კურსს „მეტეოროლოგიური პროდუქტების გამოყენება და ინტერპრეტირება“ დაესწრო. გარემოს ეროვნული სააგენტოს ინფორმაციით, აღნიშნული შეხვედრები საინფორმაციო და პრაქტიკულ სამუშაოებს მოიცავდა.
მათი ინფორმაციით, ვიზიტის ფარგლებში განხილული იქნა საქართველოს ევროპის ამინდის საშუალოვადიანი პროგნოზების ცენტრში გაწევრიანების პროცედურები, რაც საშუალებას მისცემს ქვეყანას მიიღოს მათი სამეცნიერო ჯგუფის მიერ დამუშავებული სხვადასხვა სინოპტიკური რიცხვითი მოდელები. აღნიშნული თანამშრომლობის საფუძველზე კიდევ უფრო გაიზრდება ამინდის პროგნოზების სიზუსტე ქვეყნის ტერიტორიაზე.
ევროპის ამინდის საშუალოვადიანი პროგნოზების ცენტრი ერთ-ერთი წამყვანი ორგანიზაციაა მეტეოროლოგიის დარგში, რომელიც 34 წევრი ქვეყანისთვის აწარმოებს და ავრცელებს ციფრული ამინდის პროგნოზებს.
წყარო: interpressnews.ge